20.02.2026 | 12:38
Թրամփը մեկ տարով երկարաձգել է Ռուսաստանի դեմ պատժամիջոցները
Ռուսաստանը ձգտում է ապահովել Սիրիայում իր ռազմաբազաների անվտանգությունը. Պեսկով
Քաղաքականություն
09.12.2024 | 17:51
Ռուսաստանն աշխատում է Սիրիայում ռուսական ռազմաբազաների անվտանգությունն ապահովելու ուղղությամբ։ ՌԴ նախագահի մամուլի քարտուղար Դմիտրի Պեսկովը լրագրողներին ասել է, որ Մոսկվան կապեր է հաստատում, իսկ զինվորականները նախազգուշական միջոցներ են ձեռնարկում։ Պեսկովի խոսքով՝ Խմեյմիմում և Տարտուսում ռուսական բազաները պահպանելու մասին խոսելը վաղաժամ է, քանի որ այդ հարցը պետք է քննարկել նրանց հետ, ովքեր կգան իշխանության, փոխանցում է Կոմերսանտը։
«Սա շատ կարևոր հարց է։ Իհարկե, այժմ արվում է այն ամենը, ինչ անհրաժեշտ է և հնարավոր է, որպեսզի կապ հաստատվի նրանց հետ, ովքեր կարող են ներգրավվել անվտանգության ապահովման գործում։ Եվ, իհարկե, մեր զինվորականները նույնպես ձեռնարկում են բոլոր անհրաժեշտ նախազգուշական միջոցները»,- ասել է նա՝ պատասխանելով հարցին, թե Կրեմլը որքանո՞վ է անհանգստացած Սիրիայում ռուսական ռազմակայանների անվտանգությամբ։
Դեկտեմբերի 8-ին լրատվամիջոցները գրել էին, որ սիրիական զինված ընդդիմության ստորաբաժանումները մտել են Տարտուս քաղաք և Խմեյմիմ ավիաբազայի մոտ գտնվող Ջեբլա քաղաք՝ մոտենալով ռուս զինվորականներին։ Նույն օրը վարչապետ Մուհամմեդ Ղազի ալ-Ջալալին ասել է, որ ռուսական ռազմական ներկայության հարցը կորոշի Դամասկոսի նոր կառավարությունը։
Նախօրեին հակակառավարական ուժերը հասել են Սիրիայի մայրաքաղաք և հայտարարել Բաշար Ասադի կառավարման ավարտի մասին։ Ինքը՝ Ասադը, է Ռուսաստան է հասել, որտեղ քաղաքական ապաստան է ստացել։
Ռուս զինվորականները Սիրիայում գտնվում են Խմեյմիմ ավիաբազայում և Տարտուսում՝ Միջերկրական ծովի ափին, երկրի արևմուտքում գտնվող նյութատեխնիկական ապահովման կետում։ Երկկողմ պայմանագրով Մոսկվան կարող է օգտագործել այդ բազաները մինչև 2066 թվականը։
Թարգմանությունը՝ Տաթև Ֆռանգյանի
