13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ռուսաստանը Սիրիայի հարցով երկխոսության մեջ է Թուրքիայի հետ
Քաղաքականություն
09.12.2024 | 17:29
Ռուսաստանը Սիրիայի հարցով երկխոսություն է վարում Թուրքիայի և տարածաշրջանի այլ երկրների հետ, լրագրողներին ասել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Մենք երկխոսության մեջ ենք Անկարայի ու տարածաշրջանային պետությունների հետ, այդ թվում՝ սիրիական գործերով։ Սիրիայում հիմա շատ դժվար ժամանակաշրջան է՝ կապված անորոշության հետ։ Իհարկե, այստեղ շատ կարևոր է երկկխոսություն պահպանել բոլոր տարածաշրջանային երկրների հետ։ Մենք կխորհրդակցենք և կվերլուծենք իրավիճակը»,- ասել է Պեսկովը՝ պատասխանելով Սիրիայի վերջին իրադարձություններում Թուրքիայի դերի մասին հարցին։
Հիշեցնենք, որ նոյեմբերի 27-ին իսլամիստ ապստամբների կոալիցիան, Հայաթ Թահրիր ալ-Շամի (HTS) գլխավորությամբ, որը վայելում է Թուրքիայի աջակցությունը, անսպասելի հարձակում սկսեց Սիրիայի հյուսիսում՝ երկրի նախագահ Բաշար Ասադի բանակի դիրքերի վրա։ Զինյալները գրավեցին Հալեպը, ապա Համա, Հոմս քաղաքներն ու հասան Դամասկոս՝ տապալելով Ասադին և իշխանությունը վերցնելով իրենց ձեռքը։
Թարգմանությունը՝ Էմմա Չոբանյանի
