26.05.2026 | 15:51
ԱԺ նիստն այդպես էլ չկայացավ․ քվորում չապահովվեց
Թուրքիայում ռազմական ուղղաթիռ է կործանվել․ զոհվել է 5 զինվորական, այդ թվում՝ գեներալ
Քաղաքականություն
09.12.2024 | 14:52
Թուրքիայում Իսպարտա նահանգի Կեչիբորլու շրջանում ռազմական ուղղաթիռ է կործանվել, 5 զինվորական է զոհվել։ Այս մասին հայտնում են թուրքական լրատվամիջոցները՝ դեպքի վայրից կադրեր հրապարակելով։
Հաղորդվում է, որ ուղղաթիռը կործանվել է ուսումնական թռիչքի ժամանակ։ Դեպքի վայր են մեկնել շտապօգնության և հրշեջների բրիգադները։
Իսպարտայի նահանգապետ Աբդուլլահ Էրինը հայտարարել է, որ վթարի հետևանքով զոհվել է 5, վիրավորվել՝ մեկ զինվորական։ Զոհվածներից մեկը Իսպարտայի ավիացիոն դպրոցի հրամանատար, բրիգադային գեներալ Իսա Բայդիլլին է։
«Մեր UH-1 տիպի ուղղաթիռներից մեկը, որն ուսումնամարզական թռիչք էր իրականացնում Իսպարտայում, վթարի է ենթարկվել, մեր անձնակազմից 5-ը զոհվել են, մեկը ծանր վիրավորվել է, նա տեղափոխվել է հիվանդանոց»,- ասվում է Թուրքիայի ՊՆ-ի հայտարարության մեջ։
Թարգմանությունը՝ Էմմա Չոբանյանի
