10.08.2026 | 18:29
Ուկրաինայի դատարանը փոխել է Զելենսկիի գրասենյակի նախկին ղեկավարի խափանման միջոցը․ նրան թույլատրվել է այցելել մի քանի մարզեր
Սիրիայի ընդդիմությունը հայտարարել է, որ թույլ չի տա ԻԼԻՊ-ին միանալ իրեն
Քաղաքականություն
09.12.2024 | 12:25
Սիրիայում իշխանության եկած զինված ընդդիմության ներկայացուցիչները հավաստիացրել են ամերիկյան վարչակազմին, որ թույլ չեն տա «Իսլամական պետությանը» (ԻԼԻՊ) մասնակցել իրենց գործունեությանը։ Այս մասին գրում է The New York Times-ը՝ վկայակոչելով ԱՄՆ-ում և Թուրքիայում անանուն պաշտոնյաներին, փոխանցում է Կոմերսանտը։
Ըստ աղբյուրների՝ օրեր առաջ սիրիական կառավարական բանակի դիրքերի դեմ գրոհայինների հարձակման ակտիվացման հետ մեկտեղ ամերիկյան կողմից ազդանշաններ են սկսել ստանալ։ Վաշինգտոնը սիրիական զինված ընդդիմությանը խնդրել է թույլ չտալ ԻԼԻՊ-ի ահաբեկիչներին մասնակցել իրենց հարձակողական գործողություններին։
«Խմբավորումները թուրքերի միջոցով պատասխանել են հավաստիացումներով, որ մտադիր չեն թույլ տալ, որ ԻԼԻՊ-ը դառնա իրենց շարժման մաս»,- գրում է NYT-ը:
Դեկտեմբերի 8-ին հակակառավարական զորքերը Սիրիայի մայրաքաղաք Դամասկոսը գրավել են։ Նախագահ Բաշար Ասադը հրաժարական է տվել և լքել երկիրը։ Նա ապաստան է ստացել Ռուսաստանում։ Սիրիայի վարչապետ Մուհամմեդ Ղազի ալ-Ջալալին հայտարարել է իսլամիստների հետ բանակցությունների և իշխանության խաղաղ փոխանցում կազմակերպելու մտադրության մասին։
Թարգմանությունը՝ Տաթև Ֆռանգյանի
