06.09.2026 | 10:45
Սպիտակ տուն․ ԱՄՆ բանագնացները Ռուսաստանում քննարկել են Ուկրաինայի հարցով «կոնկրետ ծրագրերը»
Ճշմարտության մենաշնորhի, կրոնի «տոտալիտարիզմի» և «ազատականության» մասին. ապաքաղաքական զրույց Յուլիա Անտոնյանի հետ․ ՏԵՍԱՆՅՈՒԹ
Հաղորդաշարեր
08.12.2024 | 21:00
Factor TV-ի A-politic հաղորդաշարի հյուրն է մշակութային մարդաբան Յուլիա Անտոնյանը: Նրա կարծիքով՝ Վերածննդի շրջանից սկսված աշխարհիկացումը 19-րդ դարում հիմնականում ավարտվել էր, եթե խոսքը Եվրոպայի մասին է: 20-րդ դարում Խորհրդային միությունում իրականացվող գործընթացը ոչ այնքան աշխարհիկացում էր, որքան կատաղի պայքար կրոնի դեմ: Արևմուտքում աշխարհիկացումը բոլոր դեպքերում թողնում էր ընտրության հնարավորություն: Այստեղից աշխարհիկ ժողովրդավարական երկրներում մի կողմից որոշակի չափով պահպանվել է կրոնի ազդեցությունը, մյուս կողմից՝ կա տարբեր կրոնների և կրոնական ուղղությունների բազմազանություն:
Հաղորդման հյուրի համոզմամբ՝ կրոնն իր բնույթով միշտ տոտալիտար է և մշտապես հավակնում է ճշմարտության մենաշնորհին: Դրանով է բացատրվում այն փաստը, որ հիմնական ուսմունքից ցանկացած շեղում դիտվում է որպես աղանդ և ենթարկվում է խիստ հետապնդումների: Մարդաբանի կարծիքով՝ դրա հետ է կապված նաև այն հանգամանքը, որ կրոնը միակ գործիքն է, որն արդարացնում է միապետությունը:
Քրիստոնեական տեքստերը նույնպես, Յուլիա Անտոնյանի կարծիքով, կարելի է մեկնաբանել երկակի՝ որպես բարության, լայնախոհության և կարեկցանքի քարոզ, և որպես այլախոհության դեմ պայքարի կոչ:
Մանրամասները՝ տեսանյութում:
Արամ Աբրահամյան
