07.10.2026 | 19:12
Թուրքական նավերի վրա հարձակումներից հետո Էրդողանը Պուտինի հետ Սև ծովում անվտանգության հարցն է քննարկել
Եվրախորհրդարանը հավատարիմ է մնում Վրաստանի եվրոպական ապագային աջակցությանը․ Ռոբերտա Մեցոլա
Քաղաքականություն
06.12.2024 | 20:12
Եվրախորհրդարանի նախագահ Ռոբերտա Մեցոլան հեռախոսազրույց է ունեցել Վրաստանի նախագահ Սալոմե Զուրաբիշվիլիի հետ։ Այս մասին սոցցանցի իր էջում հայտնել է եվրոպացի դիվանագետը։
«Ես խոսեցի նախագահ Սալոմե Զուրաբիշվիլիի հետ։ Մենք գիտենք վրաց ժողովրդի եվրոպական նկրտումների մասին, տեսնում ենք, թե ինչպես են ծածանվում ԵՄ դրոշները, մենք լսում ենք ձեզ։ Եվրախորհրդարանը հավատարիմ է մնում Վրաստանի եվրոպական ապագային աջակցությանը»,- գրել է Ռոբերտա Մեցոլան։
Հիշեցնենք, որ Վրաստանում նոյեմբերի 28-ից շարունակվում են բողոքի ցույցերը։ Դրանք վերսկսվել են այն բանից հետո, երբ վարչապետ Իրակլի Կոբախիձեն հայտարարեց ԵՄ-ին անդամակցելու բանակցությունները մինչև 2028 թվականը դադարեցնելու մասին: «Էխո Կավկազա»-ի տվյալներով՝ այս օրերի ընթացքում անվտանգության ուժերը վարչական իրավախախտումների՝ խուլիգանության և օրենքի պահանջներին չենթարկվելու մեղադրանքով բերման են ենթարկել մոտ 300 անձի։ Բերման են ենթարկվել նաև ընդդիմության մի շարք առաջնորդներ։
Թարգմանությունը՝ Տաթև Ֆռանգյանի
