09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Հարյուրավոր եմենցիների խաբեությամբ ներքաշել են Ուկրաինայում պատերազմին․ DW
Քաղաքականություն
06.12.2024 | 19:44
Հարյուրավոր երիտասարդ եմենցիների գայթակղել են Ռուսաստանում աշխատանքով, որպեսզի այնուհետև ուղարկեն Ուկրաինայում պատերազմի, գրում է DW-ի ռուսական ծառայությունը՝ հղում անելով ՌԴ-ում հտյտնվածների ընկերներին ու ծանոթներին։
Նրանց խոսքով՝ երիտասարդները, որոնց ՌԴ-ում լավ աշխատանք են խոստացել, ռազմաճակատ ուղարկելուց հետո մնացել են առանց կապի միջոցի և ոչ ոք չի կարողանում նրանց պաշտպանել։ DW-ի զրուցակիցներից մեկի պնդմամբ՝ իր ընկերը, որն այդկերպ մեկնել է Ռուսաստան, եղել է 24 անձից բաղկացած խմբում, որոնց ներգրավել են Սանա ու Թաիզ քաղաքներից։
Ժնևում տեղակայված եմենցիների պաշտպանության հարցերով զբաղվող SAM կազմակերպության գնահատականներով՝ ռուս-ուկրաինական ռազմաճակատում կարող է Եմենից 500-700 մարդ լինել։ SAM-ի տեղեկությունների համաձայն՝ եմենցիները պայմանագրեր են ստորագրել, որոնք մեծամասամբ չեն թարգմանվել արաբերեն, իսկ ՌԴ ժամանելուն պես կոշտ վերաբերմունքի են արժանացել։
Ավելի վաղ եմենցի վարձկաններին Ուկրաինայի պատերազմում ներքաշելու մասին հայտնել է նաև Financial Times-ը։ Ըստ պարբերականի՝ եմենցիներին Ռուսաստան են տարել մի ընկերության միջոցով, որը հիմնադրել է հայտնի հութի քաղաքական գործիչ Աբդուլվալի Աբդո Հասան ալ-Ջաբրին։
Թարգմանությունը՝ Տաթև Ֆռանգյանի
