08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Տավուշի ոստիկանները ապօրինի ծառահատումների դեպքեր են բացահայտել
06.12.2024 | 14:16
Համայնքային ոստիկանության Տավուշի բաժնում ստացվել էր օպերատիվ տեղեկություն, որ Բերդի բնակիչ 50-ամյա մի տղամարդ «Բերդի անտառպետության» տարածքում կատարել է ապօրինի ծառահատումներ։
«Պարզվել է, որ հոկտեմբեր-նոյեմբեր ամիսներին նա հատել է թաց կանգուն տարբեր տեսակի 35 ծառ: Էկոպարեկային ծառայության աշխատակիցը չափագրել է ապօրինի հատած և «ՈՒԱԶ» բեռնատարում դասավորած փայտանյութը. ապօրինի ծառահատմամբ պետությանը պատճառվել էր շուրջ մեկ միլիոն 600 հազար դրամի վնաս»,- ասված է ՆԳՆ-ի տարածած հաղորդագրությունում։
Նույնատիպ օպերատիվ տեղեկություն Տավուշի բաժնում ստացվել է նաև նոյեմբերի 28-ին: Ստացված տեղեկությունն իրացնելիս նույն օրը ապօրինի ծառահատում կատարելու պահին «Նավուրի անտառպետության» տարածքում հայտնաբերվել է Գանձաքար գյուղի երկու բնակիչ: Նրանք ընդունել են արարքը և ցույց տվել հատած 18 ծառի կոճղերը: Մեքենայի սրահում էր նաև բենզասղոցը: Նրանք նաև հայտնել են, որ փայտանյութի մի մասը գտնվում է 50-ամյա գանձաքարցու առանձնատան տարածքում:
Երկուսն էլ ձերբակալվել են և, կազմված փաստաթղթերով հանդերձ, ներկայացվել են Բերդի քննչական բաժին:
Նախաձեռնվել են քրեական վարույթներ:
