10.01.2025 | 23:14
ՊԵԿ նախագահն ընդունել է Հնդկաստանի դեսպանին
Մասկն ավելի քան 250 միլիոն դոլար է ծախսել ընտրություններում Թրամփին աջակցելու համար. NYT
Քաղաքականություն
06.12.2024 | 17:00
Ամերիկացի միլիարդատեր, գործարար Իլոն Մասկը վերջին ամիսներին ավելի քան 250 միլիոն դոլար է ծախսել՝ օգնելու Դոնալդ Թրամփին հաղթել ԱՄՆ նախագահական ընտրություններում, գրում է The New York Times (NYT)՝ վկայակոչելով դաշնային փաստաթղթերը։
Ըստ պարբերականի՝ սա «ապշեցուցիչ գումար է մեկ դոնորից», որն այժմ նաև դերակատարում ունի ԱՄՆ հաջորդ վարչակազմի ձևավորման գործում։ Մասնավորապես, Մասկը 20 միլիոն դոլար է հատկացրել Գերագույն դատարանի դատավոր Ռութ Գինսբուրգի անունով քաղաքական գործողությունների հանձնաժողովին աջակցելու համար, որը նախատեսված է «օգնելու Թրամփին՝ մեղմացնելու նրա դիրքորոշումը աբորտների հարցում»։
Գործարարը «գումարի առյուծի բաժինը» հատկացրել է իր ստեղծած America PAC սուպերկոմիտեին, որին 25 միլիոն դոլարի երեք փոխանցում է արվել: Բացի այդ, նա 40,5 միլիոն դոլար է ծախսել տատանվող նահանգներում ընտրողների վճարումների վրա:
Ընտրությունների համար Իլոն Մասկի ընդհանուր ծախսերը դեռևս հայտնի չեն և, հնարավոր է, «երբեք էլ հայտնի չեն լինի», նշում է NYT-ն:
Թարգմանությունը՝ Տաթև Ֆռանգյանի
