10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
ԱՄՆ դեսպանատունն արձագանքել է ադրբեջանական ընդդիմությանն աջակցելու մասին Բաքվի մեղադրանքներին
Քաղաքականություն
06.12.2024 | 17:25
Ադրբեջանական իշխանամերձ Caliber.az նախօրեին նյութ էր հրապարակել՝ Բաքվում ԱՄՆ դեսպանատան աշխատակիցներին մեղադրելով «Ադրբեջանի դեմ դիվերսիոն գործունեության» մեջ։
Ադրբեջանական Turan գործակալության մեկնաբանության խնդրանքին ի պատասխան՝ դեսպանատան ներկայացուցիչ Բիլ Մուրադը հայտարարել է. «Դրանք վայրի և անհիմն շահարկումներ են և Ադրբեջանում քաղաքացիական հասարակության և անկախ լրատվամիջոցների աճող ճնշումից ուշադրությունը շեղելու անփույթ փորձ։ Դրա փոխարեն լուրջ լրագրողները պետք է հարցնեն, թե ինչո՞ւ է կառավարությունն անհիմն պատրվակներով ձերբակալել իր սեփական քաղաքացիներին ու չի կատարում իր միջազգային պարտավորություններն ու պարտականությունները մարդու իրավունքների ոլորտում»։
Հավելենք, որ Caliber.Az-ը, իբր, իրազեկ աղբյուրներից ստացած հավաստի տեղեկությունները մեջբերելով՝ նշել էր, թե ԱՄՆ դեսպանատանը կա անձ, որը «վերահսկում է ադրբեջանական ընդդիմության և լրատվամիջոցների գործունեությունը»։ Լրատվամիջոցը նշել էր նաև, թե ադրբեջանական ընդդիմությանը համակարգող դեսպանատան աշխատակիցը Դիանա Բրաունն է, որը պատասխանատու է դիվանագիտական առաքելության գործունեության քաղաքական ուղղության համար։
Թարգմանությունը՝ Էմմա Չոբանյանի
