10.08.2026 | 18:11
Պռոշյան բնակավայրում բռնկված հրդեհը մարվել է
Սիրիային օգնության մասին կարող ենք խոսել իրավիճակը գնահատելուց հետո․ Պեսկով
Քաղաքականություն
05.12.2024 | 20:12
Ռուսաստանն ուշադիր հետևում է Սիրիայում տեղի ունեցող իրադարձություններին, որտեղ ապստամբները կռվում են կառավարական ուժերի դեմ, հայտարարել է ՌԴ նախագահի մամուլի քարտուղար Դիմիտրի Պեսկովը։ Նրա խոսքով՝ Մոսկվան մշտական կապի մեջ է Դամասկոսի հետ, գրում է Կոմերսանտը։
«Կախված իրավիճակի գնահատումից՝ հնարավոր կլինի խոսել այն օգնության աստիճանի մասին, որն անհրաժեշտ է սիրիական իշխանություններին՝ գրոհայիններին դիմակայելու և սպառնալիքը վերացնելու համար»,- ասել է Կրեմլի ներկայացուցիչը։
Նոյեմբերի 27-ին սիրիական խմբավորումները հարձակում են սկսել կառավարական ուժերի կողմից վերահսկվող տարածքների դեմ։ Մի քանի օրվա ընթացքում զինյալները գրավել են Իդլիբ նահանգը, մտել Հալեպ։ Երեկ՝ դեկտեմբերի 4-ին, Սիրիայի Պաշտպանության նախարարությունը հայտարարել է Հալեպի մերձակայքում շրջափակման բեկման մասին։
Սիրիայի իշխանություններն Իսրայելին և Թուրքիային մեղադրել են հարձակմանը մասնակցելու մեջ։ Իրանը նույնպես թուրքական կողմին մեղավոր է համարում հակամարտությունը հրահրելու համար։
ՄԱԿ-ում Ռուսաստանի մշտական ներկայացուցիչ Վասիլի Նեբենզյան էլ հայտարարել է, թե ապստամբները զենք են ստանում Ուկրաինայից։
Թարգմանությունը՝ Տաթև Ֆռանգյանի
