26.05.2026 | 16:44
«Ինտեր Մայամին» տեղեկություն է հայտնել Մեսիի վնասվածքի վերաբերյալ
Ղրղզստանն ու Տաջիկստանը լրացրել են սահմանի վիճելի հատվածների նկարագրությունը
Քաղաքականություն
04.12.2024 | 20:54
Տաջիկստանի և Ղրղզստանի կառավարական պատվիրակությունների համանախագահներ Կամչիբեկ Տաշիևն ու Սայմումին Յաթիմովը Ղրղզստանի Բատկեն քաղաքում հանդիպում են անցկացրել պետական սահմանի սահմանազատման և սահմանագծման հարցով։ Կողմերը համաձայնության են եկել և լրացրել սահմանի վիճելի հատվածների նկարագրությունը։
«Համանախագահները հանձնարարականներ են տվել Ղրղզստանի Հանրապետության և Տաջիկստանի Հանրապետության կառավարական պատվիրակությունների աշխատանքային խմբերին Ղրղզստան-Տաջիկական պետական սահմանի սահմանազատման և սահմանագծման վերաբերյալ՝ սկսել ղրղզ-տաջիկական պետական սահմանի սահմանազատման վերջնական փաստաթղթերի մշակման գործընթացը»,- հաղորդում է Ղրղզստանի կառավարության մամուլի ծառայությունը։
Ղրղզստանի և Տաջիկստանի սահմանը, որի երկարությունը գրեթե հազար կիլոմետր է, պարբերաբար մարտերի գոտու է վերածվում։ 2022 թվականի սեպտեմբերին Ղրղզստան-Տաջիկական սահմանին հակամարտություն էր տեղի ունեցել, որի ընթացքում զոհվել էր 59 մարդ։
Ավելի ուշ կողմերը պայմանավորվել են սահմանին համատեղ պարեկություն իրականացնել, հակամարտության գոտում ճանապարհի ապաշրջափակման մասին, ինչպես նաև ստորագրել են խաղաղության հաստատման արձանագրություն։
Թարգմանությունը՝ Տաթև Ֆռանգյանի
