26.05.2026 | 15:51
ԱԺ նիստն այդպես էլ չկայացավ․ քվորում չապահովվեց
Սիրիայի ԶՈւ-ն վերահսկողության տակ է վերցրել Համա քաղաքի արվարձանները
Քաղաքականություն
04.12.2024 | 17:46
Սիրիայի կառավարական բանակը վերահսկողության տակ է վերցրել երկրի արևմուտքում գտնվող Համա քաղաքի արվարձանները, հայտնում են սիրիական լրատվամիջոցները։ Երկրի Պաշտպանության նախարարությունը դեկտեմբերի 3-ին հայտարարել էր քաղաքի նկատմամբ վերահսկողություն հաստատելու մասին։ Միաժամանակ, մարտերը շարունակվում են Հալեպում և Իդլիբում։
«Ալ-Իհբարիա» հեռուստաալիքը հայտնում է, որ սիրիական բանակի ստորաբաժանումներն ապահովում են Համայի մերձակայքի լիակատար անվտանգությունը, այս տարածքում զինյալներ չկան։
Al-Watan պարբերականն էլ գրել է, որ հակակառավարական ուժերը հետ են շպրտվել Համա քաղաքից առնվազն 20 կմ հեռավորության վրա։
Սիրիական զինված ուժերը, ներառյալ՝ «Հայաթ Թահրիր ալ-Շամ» արմատական խմբավորումը, նոյեմբերի 27-ին հարձակում է սկսել Հալեպի նահանգում. սա այս տարածքում 2020 թվականից ի վեր ամենալուրջ էսկալացիան է։ Զինյալներն իրենց գործողությունները բացատրել են սիրիական բանակի և նրա դաշնակից իրանամետ կազմավորումների, այդ թվում՝ «Հըզբոլլահի» կողմից հարձակումների հաճախականությամբ:
Թարգմանությունը՝ Տաթև Ֆռանգյանի
