04.06.2026 | 14:03
Իսրայելի պաշտպանության նախարարը հայտարարել է Լիբանանում գործողությունները շարունակելու մասին՝ չնայած հրադադարի համաձայնագրին
Միրզոյան-Բայրամով պլանավորված հանդիպում չկա․ ԱԳՆ խոսնակ
Քաղաքականություն
04.12.2024 | 15:06
Մալթայում Միրզոյան- Բայրամով պլանավորված հանդիպում չկա, այս մասին Factor.am-ի հետ զրույցում ասաց ՀՀ ԱԳՆ մամուլի խոսնակ Անի Բադալյանը։
Նշենք, որ դեկտեմբերի 4-ից 5-ը ՀՀ ԱԳ նախարար Արարատ Միրզոյանն աշխատանքային այցով կգտնվի Մալթայում՝ մասնակցելու ԵԱՀԿ նախարարական խորհրդի 31-րդ հանդիպմանը։ Ըստ ԱԳՆ-ի հաղորդագրության՝ ծրագրված են նաև երկկողմ հանդիպումներ: Ադրբեջանի ԱԳ նախարար Ջեյհուն Բայրամովը ևս աշխատանքային այցով մեկնել է Մալթա, նա նույնպես կմասնակցի ԵԱՀԿ ԱԳ նախարարների խորհրդի 31-րդ հանդիպմանը։
Հիշեցնենք, որ Միրզոյանն ու Բայրամովը վերջին անգամ հանդիպել են հոկտեմբերին Ստամբուլում՝ «3+3»-ի շրջանակներում։ Ըստ պաշտոնական հաղորդագրության՝ երկու երկրների արտգործնախարարները պայմանավորվել էին շարունակել ջանքերը խաղաղության պայմանագրի վերջնականացման և սեղմ ժամկետներում կնքման ուղղությամբ։
Մանյա Պողոսյան
