08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Թրամփը կարող է Պենտագոնի ղեկավարի պաշտոնում առաջադրել Ֆլորիդայի նահանգապետ Դեսանտիսին. WSJ
Քաղաքականություն
04.12.2024 | 13:29
ԱՄՆ նորընտիր նախագահ Դոնալդ Թրամփը կարող է հրաժարվել Պենտագոնի ղեկավարի պաշտոնում Fox News-ի լրագրող Փիթ Հեգսեթի թեկնածությունից։ Փոխարենը պաշտպանության նախարար կարող է դառնալ Ֆլորիդայի նահանգապետ Ռոն Դեսանտիսը, գրում է The Wall Street Journal-ը (WSJ)՝ վկայակոչելով իր աղբյուրներին։
Ըստ տեղեկությունների՝ Դեսանտիսը եղել է Պենտագոնի ղեկավարի պաշտոնի թեկնածուների ցուցակում, որը Թրամփին ներկայացրել է իր անցումային թիմը, սակայն հանրապետականը որոշել է ընտրել Fox News-ի լրագրողին։ Այնուամենայնիվ, ԱՄՆ Սենատը կարող է չհաստատել այս թեկնածությունը, այդ թվում՝ Հեգսեթի նկատմամբ սեռական ոտնձգությունների մեղադրանքների պատճառով, ուստի ԱՄՆ նորընտիր նախագահը փոխարինող է փնտրում:
Ըստ WSJ-ի՝ հարցը կարող է լուծվել առաջիկա 48 ժամվա ընթացքում։ Հստակեցվում է, որ Ֆլորիդայի նահանգապետն արդեն ծանուցվել է Պենտագոնի ղեկավարի պաշտոնում հնարավոր առաջադրման մասին։
Ռոն Դեսանտիսը Դոնալդ Թրամփի մրցակիցն էր հանրապետականների կողմից նախագահի թեկնածու առաջադրվելու համար, սակայն հունվարին նա հայտարարեց ընտրապայքարից դուրս գալու և իր հակառակորդին սատարելու մասին։
Թարգմանությունը՝ Տաթև Ֆռանգյանի
