13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ամերիկացի լրագրող Թաքեր Կարլսոնը կրկին Մոսկվա է մեկնել․ այս անգամ հարցազրույց է վերցրել Լավրովից
Քաղաքականություն
04.12.2024 | 12:45
Ամերիկացի հայտնի լրագրող, Fox News հեռուստաալիքի նախկին հաղորդավար Թաքեր Կարլսոնը պատմել է, որ կրկին մեկնել է Մոսկվա և այս անգամ հարցազրույց է վերցրել ՌԴ արտգործնախարար Սերգեյ Լավրովից, գրում է Meduza-ն։
Նա հայտարարել է, որ շատ ամերիկացիներ մուտք չունեն որևէ այլ տեսակետի, քան այն, որ իրենց առաջարկում են NBC News-ը և The New York Times-ը։
«Մենք ավելի քան մեկ տարի փորձում էինք հարցազրույց վերցնել Ուկրաինայի նախագահ Վլադիմիր Զելենսկիից։ Մենք մոտեցել ենք տարբեր կողմերից, զրուցել ենք նրա շրջապատում շատ տարբեր մարդկանց հետ, ճաշել նրանց հետ: Անընդհատ բանակցել ենք, բայց այդ ջանքերը խափանվել են ԱՄՆ կառավարության կողմից»,- ասել է Կարլսոնը:
Ըստ նրա՝ Կիևում ԱՄՆ դեսպանատունը, իբր, Զելենսկիի կառավարությանն ասել է, որ նա չի կարող հարցազրույց տալ։ Եվ քանի որ իր թիմը չի կարողացել խոսել Զելենսկիի հետ, վերադարձել է Մոսկվա՝ հարցազրույց վերցնելու Լավրովից, ինչպես Կարլսոնն է նրան անվանել՝ աշխարհի ամենաերկար աշխատող արտգործնախարարից, որը 25 տարի եղել է Ռուսաստանի կառավարության կազմում:
Նա հայտարարել է, որ Լավրովին հարցրել է այն մասին՝ արդյո՞ք գնում են դեպի աննախադեպ հակամարտության Ռուսաստանի և Միացյալ Նահանգների միջև, կա՞, արդյոք, Ռուսաստանին Արևելքում իր ազդեցության գոտիներից դուրս բերելու և նրան դեպի Արևմուտք վերակողմնորոշելու միջոց, և արդյո՞ք Դոնալդ Թրամփի ընտրությունը նշանակում է Ուկրաինայում պատերազմի ավարտ։
Կարլսոնը տեղեկացրել է, որ հարցազրույցը հրապարակվելու է «շատ շուտով»: Այդ մասին հայտնել է նաև ՌԴ ԱԳՆ պաշտոնական ներկայացուցիչ Մարիա Զախարովան, որը հրապարակել է հեռուստահաղորդավարի և Լավրովի լուսանկարը։
Նախորդ անգամ Թաքեր Կարլսոնը Մոսկվա էր այցելել 2024 թվականի փետրվարին և հարցազրույց վերցրել ՌԴ նախագահ Վլադիմիր Պուտինից։
Թարգմանությունը՝ Էմմա Չոբանյանի
