08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
«Արամ Խաչատրյան» համերգասրահում «Իտալական երաժշտությունը ֆիլմերում» խորագրով երեկո կանցկացվի
Մշակույթ
04.12.2024 | 10:16
Դեկտեմբերի 11–ին, ժամը 19։30 «Արամ Խաչատրյան» համերգասրահում կկայանա «Իտալական երաժշտությունը ֆիլմերում» (Note Italiane In Cinema) խորագրով երեկո․ տեղեկացնում են Հայաստանի պետական կամերային նվագախմբից։
Կհնչեն հայտնի ստեղծագործություններ՝ գրված բացառապես իտալացի հայտնի կոմպոզիտորների և երգահանների կողմից։ Կնչեն Էննիո Մորիկոնեի, Նինո Ռոտայի, Ջակոմո Պուչինիի, Ռենատո Կարոսոնեի, Տոմազո Ալբինոնիի և այլոց գործերը։
Համերգի ընթացքում կներկայացվեն սաունդթրեքեր այնպիսի հայտնի ֆիլմերից, ինչպիսիք են՝ «Կնքահայրը», «Ռոմեո և Ջուլիետ», «Սարդ-մարդը», «Ուոլ Սթրիթի գայլը», «Տաղանդավոր պարոն Ռիփլին», «Մի անգամ Ամերիկայում» և այլն։
Մասնակցությամբ՝ Հայաստանի պետական կամերային նվագախմբի (ընդլայնված կազմով), Երևանի պետական կամերային երգչախմբի (գեղարվեստական ղեկավար և խմբավար Քրիստինա Ոսկանյան)։
Մենակատարներ՝ Տիգրան Մելքոնյան (տենոր), Ալբերտ Նավասարդյան (սաքսոֆոն), Աստղիկ Վարդանյան (ջութակ), Վահագն Վարդանյան (մելոդիկա, օկարինա, բլոկ ֆլեյտա, էլեկտրո դաշնամուր), Վարդան Գաբոյան (էլեկտրո կիթառ): Դիրիժոր՝ Վալտեր Սիվիլոտտի (Իտալիա):
Համերգի գլխավոր հովանավոր՝ ՀՀ-ում Իտալիայի Հանրապետության դեսպանություն:
