05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Իսրայելը ձգտում է կանխել Թեհրանի և Արևմուտքի միջև երկխոսությունը․ Իրանի նախագահ
Քաղաքականություն
03.12.2024 | 21:28
Իսրայելը ձգտում է խաթարել Թեհրանի և արևմտյան երկրների միջև երկխոսությունը, իրանական կողմը պատերազմ չի փնտրում Մերձավոր Արևելքում և բաց է եվրոպական երկրների ու ԱՄՆ-ի հետ երկխոսության համար, հեռուստատեսային հարցազրույցում այս մասին հայտարարել է Իրանի նախագահ Մասուդ Փեզեշքիանը, փոխանցում է ՌԻԱ Նովոստին։
«Իսրայելի գործողությունները, որոնք ուղղված են Մերձավոր Արևելքում լարվածության սրմանը, խոչընդոտում են Իրանի և միջազգային հանրության միջև համաձայնությանը։ ԱՄՆ կատարած այցի ընթացքում մենք շփվեցինք աշխարհի բազմաթիվ առաջնորդների հետ՝ թյուրիմացությունները վերացնելու համար, սակայն Իսրայելի թշնամական գործողությունները խաթարեցին մեր հարաբերությունները։ Մենք բաց ենք երկխոսության համար։ Իրանը երբեք չի ձգտում պատերազմի»,- ասել է Փեշեքիանը։
Հիշեցնենք՝ նոյեմբերի 29-ին Ժնևում, երկամյա ընդմիջումից հետո, Իրանի ու եվրոեռյակի միջև միջուկային ծրագրի շուրջ բանակցություններ են տեղի ունեցել։
Թարգմանությունը՝ Տաթև Ֆռանգյանի
