08.01.2025 | 13:17
Իրանի ԱԽ քարտուղարն այցով Ադրբեջանում է
ՆԱՏՕ-ի գլխավոր քարտուղարը Վրաստանի իշխանություններին կոչ է արել ամեն ինչ անել` խաղաղությանն ու կայունությանը նպաստելու համար
Քաղաքականություն
03.12.2024 | 18:36
ՆԱՏՕ-ի գլխավոր քարտուղար Մարկ Ռյուտեն մեկնաբանել է Վրաստանում վերջին օրերի իրադարձությունները: Նա կոչ է արել երկրի իշխանություններին քայլեր ձեռնարկել խաղաղությանն ու կայունությանը նպաստելու համար, քանի որ դա բխում է ամբողջ վրաց ժողովրդի շահերից, գրում է Գրուզիա օնլայնը։
Դաշինքի գլխավոր քարտուղարն ընդգծել է՝ ռազմաքաղաքական դաշինքը հիմնված է ժողովրդավարության, արժեքների, ազատության նկատմամբ հարգանքի և ժողովրդավարության սկզբունքների վրա։
«Ես խորապես հավատում եմ, որ այս արժեքները մեր հավաքական խաղաղության և բարգավաճման հիմքն են։ Այս պահին բոլոր դաշնակիցները հստակ հայտարարում են, որ պետք է խուսափել ցանկացած գործողությունից, որը խաթարում է Վրաստանում ժողովրդավարությունը կամ ժողովրդավարության խթանումը և երկրի ինտեգրումը ՆԱՏՕ-ին ու Եվրամիությանը: Նրանք կոչ են անում Վրաստանի կառավարությանը մնալ այն ուղու վրա, որի վրա կանգնել է մի քանի տարի առաջ»,- եզրափակել է Ռյուտեն:
Հիշեցնենք, որ Թբիլիսիում և Վրաստանում մի շարք այլ քաղաքներում բողոքի ցույցերը սկսվել են այն բանից հետո, երբ նոյեմբերի 28-ի երեկոյան վարչապետ Իրակլի Կոբախիձեն հայտարարեց ԵՄ-ին անդամակցելու շուրջ բանակցությունների դադարեցման մասին։
Թարգմանությունը՝ Տաթև Ֆռանգյանի
