30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Լիտվան պատժամիջոցներ է սահմանել Բիձինա Իվանիշվիլիի և Վրաստանի ՆԳՆ պաշտոնյաների նկատմամբ
Քաղաքականություն
02.12.2024 | 19:42
Լիտվան պատժամիջոցներ է սահմանել Վրաստանի իշխող «Վրացական երազանք» կուսակցության հիմնադիր Բիձինա Իվանիշվիլիի և մի շարք ուժայինների նկատմամբ։ Այս մասին X-ի իր միկրոբլոգում հայտնել է Լիտվայի ԱԳ նախարար Գաբրելիուս Լանդսբերգիսը։
Ընդհանուր առմամբ, սահմանափակումներ են մտցվում 11 անձի նկատմամբ։
Բիձինա Իվանիշվիլիից զատ՝ պատժամիջոցների ցուցակում են Վրաստանի ՆԳՆ ղեկավար Վախթանգ Գոմելաուրին և գերատեսչության 9 բարձրաստիճան պաշտոնյաներ։
«Մերժվել է մուտքը Լիտվա՝ մարդու իրավունքների խախտման համար պատասխանատվության պատճառով։ Ցանկում են՝ Բիձինա Իվանիշվիլի, Վախթանգ Գոմելաուրի, Շալվա Բեդոիձե, Իոսեբ Չելիձե, Ալեքսանդր Դարախվելիձե, Գեորգի Բութուզի, Զվիադ Խարազիշվիլի, Միլերի Լագազաուրի, Միրզա Կեզևաձե, Վաժա Սիրաձե, Թեյմուրազ Կուպատաձե»,- նշել է Լիտվայի ԱԳ նախարարը։
Ավելի վաղ հայտնի էր դարձել, որ Լատվիան, Լիտվան և Էստոնիան որոշել են ազգային պատժամիջոցներ սահմանել նրանց դեմ, որոնք ներգրավված են Վրաստանում ընդդիմության բողոքի ցույցերը ճնշելու գործում։
Թարգմանությունը՝ Էմմա Չոբանյանի
