18.07.2026 | 10:51
Վենեսուելայում երկրաշարժերի հետևանքով զոհերի թիվը գերազանցել է 5000-ը
Ուկրաինայի բանակը բավարար ուժ չունի գրավյալ տարածքները վերադարձնելու համար․ դիվանագիտական լուծում է անհրաժեշտ. Զելենսկի
Քաղաքականություն
02.12.2024 | 16:06
Ուկրաինայի նախագահ Վլադիմիր Զելենսկին հայտարարել է, որ Ուկրաինայի զինված ուժերը բավարար ռեսուրս չունեն օկուպացված տարածքներն ազատագրելու համար։ Այս մասին նա ասել է Kyodo News-ին տված հարցազրույցում։
Զելենսկին հնարավոր է համարել հակամարտության դիվանագիտական լուծման հնարավորությունը, բայց միայն Ռուսաստանի կողմից չհարձակվելու երաշխիքով։
«Մենք բավականաչափ ուժ չունենք Ղրիմը վերադարձնելու համար։ Մեր բանակն այս պահին բավարար ուժ չունի։ Այո՛, պետք է դիվանագիտական լուծում գտնել, բայց միայն այն բանից հետո, երբ կհասկանանք, որ այնքան ուժեղ ենք, որ նրանք չեն սկսի նոր ագրեսիա, ապա կարելի կլինի մտածել այլ դիվանագիտական քայլերի մասին»,- ասել է Զելենսկին ճապոնացի լրագրողներին տված հարցազրույցում։
Զելենսկին, որը շարունակում է ՆԱՏՕ-ին անդամակցությունն անփոխարինելի համարել Ուկրաինայի անվտանգության և բարգավաճման համար, ընդգծել է, որ պատերազմը թևակոխել է «բարդ ժամանակաշրջան»։
Ուկրաինայի նախագահը նաև երախտագիտություն է հայտնել Ճապոնիայի, ԱՄՆ-ի, Հարավային Կորեայի և բազմաթիվ եվրոպական ու այլ երկրների, որոնք օգնություն են ցուցաբերել Ուկրաինային և պատժամիջոցներ են սահմանել Ռուսաստանի դեմ։ Բայց նա ընդգծել է, որ ավելի շատ օգնություն է անհրաժեշտ Ուկրաինայի հզորացման համար։
Թարգմանությունը՝ Տաթև Ֆռանգյանի
