10.08.2026 | 18:29
Ուկրաինայի դատարանը փոխել է Զելենսկիի գրասենյակի նախկին ղեկավարի խափանման միջոցը․ նրան թույլատրվել է այցելել մի քանի մարզեր
Բողոքի ցույցերի ֆոնին 5 երկրներում Վրաստանի դեսպանները հրաժարական են տվել
Քաղաքականություն
02.12.2024 | 16:35
Վրաստանի 5 դեսպաններ հրաժարական են տվել եվրաինտեգրումը հետաձգելու մասին երկրի կառավարության նոյեմբերի 28-ի որոշման դեմ բողոքի ցույցերի ֆոնին։ Պաշտոնից հեռացել է նաև ԱԳ փոխնախարար Թեյմուրազ Ջանջալիան, փոխանցում է The Moscow Times-ը։
Դեկտեմբերի 1-ին Վրաստանի վարչապետ Իրակլի Կոբախիձեն հաստատել է ԱՄՆ-ում դեսպան Դավիթ Զալկալիանիի և փոխարտգործնախարար Թեյմուրազ Ջանջալիայի հրաժարականը։ Նույն օրը Լիտվայում Վրաստանի դեսպան Սալոմե Շապակիձեն հայտարարել է, որ «Վրաստանը Եվրոպա է» և ինքնակամ լքել պաշտոնը։
«Ինձ համար մեծ պատիվ էր մեկ տասնամյակից ավելի ծառայել Վրաստանի շահերին՝ նպաստելով նրա ինքնիշխանությանը և եվրաատլանտյան նկրտումներին»,- «X»-ում հրապարակված ուղերձում նշել է դիվանագետը։
Նոյեմբերի 30-ին էլ հրաժարականի մասին հայտարարել են Իտալիայում Վրաստանի դեսպանի պաշտոնակատար Իրակլի Վեկուան և Նիդերլանդներում արտակարգ և լիազոր դեսպան Դավիթ Սոլոմոնիան։ Իսկ նոյեմբերի 29-ին հրաժարականի մասին հայտարարել էր Բուլղարիայում Վրաստանի դեսպան Օթար Բերձենիշվիլին։
Թարգմանությունը՝ Տաթև Ֆռանգյանի
