07.10.2026 | 12:56
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
«Նարնջագույն հեղափոխություն իրականացնելու փորձի նշաններ են»․ Կրեմլը՝ Վրաստանում ցույցերի մասին
Քաղաքականություն
02.12.2024 | 15:56
Կրեմլը կարծում է, որ Վրաստանում ընդդիմության բողոքի ակցիաները նման են Ուկրաինայում «նարնջագույն հեղափոխության» սցենարին։
«Ակնհայտ են իրավիճակը ցնցելու փորձերը։ Մենք տեսել ենք նման իրադարձություններ մի շարք երկրներում։ Ամենաուղղակի զուգահեռը, որ կարելի է անցկացնել, Ուկրաինայում Մայդանի իրադարձություններն էին։ Նարնջագույն հեղափոխությունը իրականացնելու փորձի բոլոր նշաններն են»,- ճեպազրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է Meduza-ն։
Միաժամանակ, նա նշել է, որ դա Վրաստանի ներքին գործն է, և Կրեմլը որևէ կերպ չի միջամտել ու չի պատրաստվում միջամտել այդ գործընթացներին։
«Վրացական իշխանությունները միջոցներ են ձեռնարկում իրավիճակը կայունացնելու և հանդարտեցնելու համար»,- հավելել է Կրեմլի խոսնակը։
Նշենք, որ զանգվածային բողոքի ցույցերը Վրաստանում վերսկսվել են այն բանից հետո, երբ երկրի վարչապետ Իրակլի Կոբախիձեն հայտարարել էր, որ Թբիլիսին մինչև 2028 թվականի վերջը հրաժարվում է ԵՄ անդամակցության բանակցություններից ու եվրոպական դրամաշնորհներից։
Թարգմանությունը՝ Էմմա Չոբանյանի
