Քաղաքականություն
02.12.2024 | 15:23
Իրանի կողմից աջակցվող զինյալները գիշերը Իրաքից մտել են Սիրիա և շարժվել դեպի երկրի հյուսիս՝ աջակցելու ապստամբների դեմ պայքարող սիրիական բանակին: Այս մասին հայտնել են սիրիական բանակի երկու աղբյուրըները, գրում է Al Arabiya-ն՝ վկայակոչելով Reuters-ին։
Լրատվամիջոցին սիրիական բանակի բարձրաստիճան աղբյուրն ասել է, որ Իրանի կողմից աջակցվող իրաքյան «Հաշդ ալ-Շաաբի»-ի տասնյակ զինյալներ Իրաքից Սիրիա են անցել Ալ Բուկամալ անցակետի մոտ։
«Սրանք նոր համալրումներ են, որոնք ուղարկվում են հյուսիսային ճակատային գծում մեր ընկերներին օգնելու համար»,- ասել է սպան՝ հավելելով, որ զինյալները ներառում են Իրաքի «Քաթայիբ Հըզբոլլահ» և «Ֆաթեմիյուն» խմբավորումները:
Սիրիական պատերազմի ժամանակ Իրանը հազարավոր շիա զինյալների էր ուղարկել Սիրիա, որը Ռուսաստանի հետ միասին թույլ է տվել Սիրիայի նախագահ Բաշար ալ-Ասադին ճնշել ապստամբությունը և հետ վերցնել իր տարածքի մեծ մասը: Այդ կենդանի ուժի բացակայությունը, ըստ բանակի երկու այլ աղբյուրների, նպաստել է սիրիական բանակի ուժերի արագ նահանջին և Հալեպ քաղաքից դուրս գալուն:
Իրանին դաշնակից զինյալները՝ «Հըզբոլլահ»-ի գլխավորությամբ, հզոր ներկայություն ունեն Հալեպի տարածքում: Իսրայելն էլ վերջին ամիսներին ուժեղացրել է հարձակումները Սիրիայում իրանական բազաների վրա և հարձակում է սկսել Լիբանանում, որը, ըստ նրա, թուլացրել է «Հըզբոլլահ»-ին և նրա ռազմական հնարավորությունները:
Թարգմանությունը՝ Էմմա Չոբանյանի
