04.12.2024 | 13:01
Ղարիբաշվիլին հերքել է «Վրացական երազանքից» հեռանալու մասին լուրերը
Արցախում ռուս խաղաղապահների նախկին հրամանատար Մուրադովը ՌԴ ցամաքային զորքերի հրամանատարի տեղակալ է նշանակվել
Քաղաքականություն
02.12.2024 | 12:20
Արցախում տեղակայված ռուս խաղաղապահ զորախմբի նախկին հրամանատար, գեներալ-գնդապետ Ռուստամ Մուրադովը նշանակվել է ՌԴ ցամաքային զորքերի գլխավոր հրամանատարի տեղակալի պաշտոնում։ Այս մասին ՌԲԿ-ին հայտնել է կադրային նշանակումներին ծանոթ աղբյուրը։ Տեղեկությունը հաստատել է նաև ՌԴ ՊՆ-ին մոտ կանգնած աղբյուրը։
2014 թվականից ՌԴ ցամաքային զորքերի գլխավոր հրամանատարը գեներալ Օլեգ Սալյուկովն է։
ՌԴ պաշտպանության նախարարությունը պաշտոնապես չի հայտարարել Մուրադովի նշանակման մասին։
Հիշեցնենք, որ Մուրադովը 2020 թվականի նոյեմբերի 11-ից մինչև 2021 թվականի սեպտեմբերի 9-ն Արցախում տեղակայված ռուսական խաղաղապահ զորախմբի հրամանատարն էր։
ՌԴ ՊՆ-ն 2022 թվականի հուլիսին հայտնել էր, որ Մուրադովը «Վոստոկ» զորքերի խմբավորման հրամանատարն է Ուկրաինայում ռազմական գործողության գոտում։ 2022 թվականի հոկտեմբերից նա ղեկավարում էր Արևելյան ռազմական օկրուգի միավորված ռազմավարական հրամանատարությունը։
Թարգմանությունը՝ Էմմա Չոբանյանի
