05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
ԱՄՆ-ն, Ֆրանսիան, Գերմանիան և Բրիտանիան համատեղ հայտարարությամբ Սիրիայում ապաէսկալացիայի կոչ են արել
Քաղաքականություն
02.12.2024 | 13:01
ԱՄՆ-ն ու նրա դաշնակիցներ Ֆրանսիան, Գերմանիան և Մեծ Բրիտանիան համատեղ հայտարարություն են տարածել Սիրիայում տիրող իրավիճակի վերաբերյալ։
«Մենք ուշադիր հետևում ենք Սիրիայում տեղի ունեցող զարգացումներին և բոլոր կողմերին կոչ ենք անում ապաէսկալացիայի և քաղաքացիական բնակչության ու ենթակառուցվածքների պաշտպանության՝ կանխելու հետագա տեղահանումները և հումանիտար մուտքի խափանումները: Ներկայիս էսկալացիան միայն ընդգծում է Սիրիայի գլխավորությամբ հակամարտության քաղաքական լուծման հրատապ անհրաժեշտությունը՝ համաձայն ՄԱԿ-ի Անվտանգության խորհրդի 2254 բանաձևի»,- ասվում է հայտարարության մեջ, որը հրապարակել է ԱՄՆ Պետքարտուղարությունը։
Հիշեցնենք, որ Թուրքիայի աջակցությունը վայելող սիրիական զինյալների դաշինքը, որը գլխավորում է իսլամիստական «Հայաթ Թահրիր աշ-Շամ»-ը (HTS) գրավել է Հալեպ քաղաքը։
Սիրիայի նախագահ Բաշար Ասադը հայտարարել է հակահարձակման մեկնարկի մասին՝ դաշնակիցների աջակցությամբ օդային հարվածներ հասցնելով։
Թարգմանությունը՝ Էմմա Չոբանյանի
