07.11.2026 | 09:42
Հայաստանը, ԱՄՆ-ն ու Ադրբեջանը գործարկել են ԹՐԻՓՓ-ի եռակողմ տեխնիկական պլանավորման խմբերը
Ադրբեջանի անվտանգության և պաշտպանության ոլորտում 2024թ․ 11 ամիսներին կորուստներն առնվազն 50 մարդ է կազմում
Քաղաքականություն
29.11.2024 | 22:44
2024 թվականի 11 ամիսներին Ադրբեջանի պաշտպանության և անվտանգության ոլորտի կորուստները կազմել են առնվազն 50 մարդ։ Դրանցից 48-ը եղել են ոչ մարտական կորուստներ։ Եվս երկու զինծառայողներ էլ մահացել են Արցախում 2023 թվականի սեպտեմբերին իրականացված Բաքվի ռազմական ագրեսիայի ժամանակ․ նրանք վիրավորվելուց հետո երկար ժամանակ կոմայի մեջ էին։ Այս մասին ասվում է Caspian Defense Studies Institute-ի (Կասպյան ռազմական հետազոտությունների ինստիտուտ) հետազոտության մեջ։
Նշվում է, որ ՃՏՊ-ների հետևանքով զոհվել է 15 մարդ, տարբեր պատահարների հետևանքով՝ 5, թունավորումներից և այլ հիվանդություններից՝ 12, ինքնասպանություն է գործել 9-ը, ապօրինի գործողությունների զոհ է դարձել 4-ը, զենքի հետ անզգույշ վարվելուց մահացել է 2-ը, մեկն էլ՝ անհայտ պատճառներով:
Մահացածներից 43-ը ծառայել են Պաշտպանության նախարարությունում, 3-ը՝ Ներքին զորքերում, 3-ը՝ Պետական սահմանային ծառայությունում, 1-ը՝ Արտակարգ իրավիճակների նախարարությունում։ 24-ը եղել են զինծառայողներ, 14-ը` սպաներ, 9-ը՝ զորակոչիկներ, 3-ը՝ ենթասպաներ։
2024 թվականին տարբեր պատճառներով վիրավորվել են 19 զինծառայողներ։
Արցախի տարածքում գրացվել է մահվան 21 դեպք, 14-ը՝ նախկին հակամարտության գոտուն մոտ գտնվող զորամասերում, մնացած 15-ը՝ երկրի արևելյան և հարավային շրջաններում։
2023 թվականին Ադրբեջանի պաշտպանության և անվտանգության ոլորտն ունեցել է առնվազն 260 զինվորականի կորուստ, այդ թվում՝ 212-ը մարտական զոհեր, մնացածը՝ ոչ մարտական կորուստներ։
Նշենք, որ Caspian Military Studies Institute-ը, որպես վերլուծական կենտրոն, աշխատանքը սկսել է 2015 թվականի փետրվարին Գերմանիայում։ Հիմնադիրներից է Ջասուր Սումերինլին, որը ղեկավարում էր Լրագրողական ռազմական հետազոտությունների «Դոկտրին» կենտրոնը՝ մինչև 2014 թվականի սեպտեմբերին Ադրբեջանից հեռանալը։
Թարգմանությունը՝ Էմմա Չոբանյանի
