06.10.2026 | 21:45
Հայկ Սարգսյանը հեռացվել է ՔՊ-ից
Միջոցառմանը Էրդողանի ելույթի ընթացքում նրա դեմ բողոքի ակցիա է անցկացվել
Քաղաքականություն
29.11.2024 | 22:14
Թուրքիայի նախագահ, իշխող «Արդարություն ու զարգացում» կուսակցության ղեկավար Ռեջեփ Թայիփ Էրդողանը ելույթ է ունեցել Ստամբուլի Կոնգրեսի կենտրոնում տեղի ունեցած TRT համաշխարհային ֆորումում։ Birgun-ի հաղորդմամբ՝ մինչ Էրդողանը խոսում էր Իսրայելի մասին, ներկաներից մեկը ոտքի է կանգնել և բողոքել նախագահի դեմ։
«Մինչ սիոնիստները շարունակում են առևտուրը մեր ծովերում և նավահանգիստներում, նավերը ռումբեր են տեղափոխում Գազա»,- հայտարարել է տղամարդը։
Բարկացած Էրդողանը պատասխանել է․ «Այստեղ սիոնիստների բերանը մի՛ դարձիր։ Ինչքան էլ փորձես սադրել, ոչ մի արդյունք չես ստանա։ Սիոնիստներն ամբողջ աշխարհում շատ լավ գիտեն Էրդողանի դիրքորոշումը, բայց դու դեռ չես հասկացել դա»։
Էրդողանի դեմ բողոքող անձին անվտանգության աշխատակիցները դուրս են բերել սրահից։
Թարգմանությունը՝ Էմմա Չոբանյանի
