22.06.2026 | 10:07
ՀՀ տարածքում ավտոճանապարհներն անցանելի են
Բուլղարիայում Վրաստանի դեսպանը, ի նշան բողոքի, հայտարարել է հրաժարականի մասին
Քաղաքականություն
29.11.2024 | 16:46
Բուլղարիայում Վրաստանի դեսպան Օթար Բերձենիշվիլին հայտարարել է հրաժարականի մասին այն բանից հետո, երբ վրացական իշխանությունները հայտարարել են ԵՄ-ին ինտեգրման գործընթացի դադարեցման և ցրել Թբիլիսիում լայնածավալ եվրոպամետ ցույցը։
«Ես հրաժարական եմ տվել Բուլղարիայում Վրաստանի դեսպանի պաշտոնից։ Երկարամյա դիվանագիտական ծառայության ընթացքում (ավելի քան երկու տասնամյակ) ես ակտիվորեն ներգրավվել եմ իմ գործընկերների հետ աշխատանքում՝ առաջ մղելու Վրաստանի եվրաատլանտյան ինտեգրման գործընթացը, ինչպես նաև ամուր և վստահելի ռազմավարական գործընկերություն կառուցելու մեր դաշնակիցների, հատկապես՝ Միացյալ Նահանգների հետ: Մեր անխոնջ ջանքերը ոչ մի կերպ չպետք է խաթարվեն կամ խախտվեն: Ո՛չ բռնությանը խաղաղ ցուցարարների կամքի դեմ։ Լիովին համերաշխ եմ նրանց հետ»,- գրել է Բերձենիշվիլին X սոցիալական ցանցում:
Օթար Բերձենիշվիլին իր կարիերան սկսել է Վրաստանի ԱԳՆ-ում 2000 թվականին, երկար ժամանակ աշխատել է ԱՄՆ-ում, Կանադայում և Մեքսիկայում։ 46-ամյա դիվանագետը վերջերս նշանակվել է Բուլղարիայում դեսպան։
Հիշեցնենք, որ Վրաստանի ԱԳՆ մի խումբ աշխատակիցներ համատեղ հայտարարություն են տարածել՝ դեմ արտահայտվելով Եվրամիությանը երկրի անդամակցությունը սառեցնելու՝ կառավարության որոշմանը։
Թարգմանությունը՝ Էմմա Չոբանյանի
