08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Կրեմլը՝ Մոսկվա Ասադի այցի լուրերի և Սիրիայում թուրքամետ ուժերի՝ դեպի Հալեպ առաջխաղացման մասին
Քաղաքականություն
29.11.2024 | 18:41
ՌԴ նախագահի խոսնակ Դմիտրի Պեսկովը հրաժարվել է մեկնաբանել Սիրիայի նախագահ Բաշար Ասադի՝ Ռուսաստան ենթադրյալ ժամանման մասին տելեգրամյան ալիքներում տարածվող հաղորդագրությունները, գրում է ՏԱՍՍ-ը։
«Ես ոչինչ չունեմ ասելու այդ հարցի վերաբերյալ»,- պատասխանել է Կրեմլի խոսնակը լրագրողների հարցին՝ հաստատելու որոշ տելեգրամ-ալիքների հաղորդումներն այն մասին, որ Ասադն այցով գտնվում է Մոսկվայում։
Պեսկովը նաև հայտարարել է, որ Կրեմլը Դամասկոսի կողմից վերահսկվող Հալեպ քաղաքի վրա իսլամիստ գրոհայինների հարձակումը համարում է ոտնձգություն Սիրիայի ինքնիշխանության դեմ և հանդես է գալիս տարածաշրջանում սահմանադրական կարգի շուտափույթ հաստատման օգտին։
«Իհարկե, դա ոտնձգություն է Սիրիայի ինքնիշխանության դեմ այս տարածաշրջանում։ Մենք հանդես ենք գալիս նրա օգտին, որ Սիրիայի իշխանություններն արագ կարգուկանոն հաստատեն այդ շրջանում և վերականգնեն սահմանադրական կարգը»,-նշել է Կրեմլի խոսնակը։
Հիշեցնենք, որ Թուրքիայի կողմից աջակցություն ստացող սիրիական ընդդիմադիր Հայեթ Թահրիր ալ-Շամ (HTS) զինված խմբավորումը և դաշնակից ուժերը շարունակում են գրոհել Հալեպի ուղղությամբ։ Նրանք մոտեցել են Հալեպի ծայրամասերին։
Թարգմանությունը՝ Էմմա Չոբանյանի
