23.06.2026 | 12:43
Փաշինյանի որոշմամբ կարկտահարության դեպքերն ուսումնասիրող աշխատանքային խումբ է ստեղծվել
Պուտինը հայտարարել է՝ Ուկրաինայի հակամարտությունը գլոբալ բնույթ է ստացել
Քաղաքականություն
21.11.2024 | 22:42
Ուկրաինայի հակամարտությունը գլոբալ բնույթի տարրեր է ձեռք բերել Կուրսկի և Բրյանսկի շրջանների վրա արևմտյան հեռահար հրթիռներով հարձակումներից հետո, «ՌԻԱ Նովոստի»-ի փոխանցմամբ՝ հայտարարել է Ռուսաստանի նախագահ Վլադիմիր Պուտինը:
Ռուսաստանի նախագահը հայտարարել է, որ Բրյանսկի և Կուրսկի շրջանների տարածքներին հարվածներ են հասցվել ամերիկյան և բրիտանական հեռահար բարձր ճշգրտության հրթիռներով:
«Այդ պահից, ինչպես մենք բազմիցս ընդգծել ենք, ավելի վաղ Արևմուտքի կողմից հրահրված տարածաշրջանային հակամարտությունն Ուկրաինայում ձեռք է բերել գլոբալ բնույթի տարրեր», – ընդգծել է Պուտինը:
Ռուսաստանը վճռական և հայելային պատասխան կտա ագրեսիվ գործողությունների սրման դեպքում, հայտարարել է Պուտինը:
Հիշեցնենք՝ որ երեկ Կիևն առաջին անգամ բրիտանական Storm Shadow հեռահար հրթիռներ էր օգտագործել ՌԴ տարածքին հարվածելու համար։ Իսկ այսօր Ուկրաինայի ռազմաօդային ուժերը հայտնել են, որ առավոտյան Դնեպր քաղաքը ենթարկվել է տարբեր տեսակի հրթիռների հարձակման։ Դրանց թվում եղել է միջմայրցամաքային բալիստիկ հրթիռ, նաև՝ «Կինժալ» հրթիռ և յոթ X-101 թևավոր հրթիռ։
