08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Կիևը հայտնում է, որ ՌԴ-ն միջմայրցամաքային բալիստիկ հրթիռով հարվածել է Դնեպրին
Քաղաքականություն
21.11.2024 | 14:08
Ուկրաինայի ռազմաօդային ուժերը հայտնում են, որ այսօր առավոտյան Դնեպր քաղաքը ենթարկվել է տարբեր տեսակի հրթիռների հարձակման։ Դրանց թվում եղել է միջմայրցամաքային բալիստիկ հրթիռ, նաև՝ «Կինժալ» հրթիռ և յոթ X-101 թևավոր հրթիռ, գրում է BBC-ի ռուսական ծառայությունը։ ՀՕՊ համակարգերի աշխատանքի արդյունքում խոցվել է 6 միավոր X-101 հրթիռ։
«Մյուս հրթիռների դեպքում էական հետևանքներ չկան»,- ասվում է Ուկրաինայի ռազմաօդային ուժերի ամենօրյա ամփոփագրում։
Այսօր ավելի վաղ Դնեպրոպետրովսկի շրջանային ռազմական վարչակազմի ղեկավարը հայտնել էր, որ Դնեպրում ռուսական զանգվածային հրթիռային հարձակման հետևանքով որոշակի արդյունաբերական ձեռնարկությունում ավերածություններ են տեղի ունեցել, իսկ երկու վայրերում՝ հրդեհներ բռնկվել։
Դնեպրի քաղաքապետ Բորիս Ֆիլատովն էլ հայտնել է, որ հարվածի հետևանքով վնասվել է հաշմանդամություն ունեցող անձանց վերականգնողական կենտրոնի շենքը։ Տեղի կաթսայատունն ավերվել է, ապակիները կոտրվել են, տուժածների մասին տեղեկությունը ճշտվում է։
Թարգմանությունը՝ Էմմա Չոբանյանի
