03.04.2026 | 21:50
Մակրոնը հայտարարել է, որ Եվրոպայի դաշնակիցները պետք է միավորվեն ԱՄՆ-ի և Չինաստանի դեմ
Ալեն Սիմոնյանը հանդիպել է Վիետնամի նախագահի հետ
21.11.2024 | 13:14
ՀՀ ԱԺ նախագահ Ալեն Սիմոնյանը Վիետնամ կատարած պաշտոնական այցի շրջանակում հանդիպել է Վիետնամի Սոցիալիստական Հանրապետության նախագահ Լըն Կընի հետ:
«ՀՀ ԱԺ նախագահը շնորհակալություն է հայտնել վիետնամական կողմին ջերմ ընդունելության համար եւ հավելել, որ Վիետնամ կատարած այցը գնահատում է շատ արդյունավետ: Վիետնամի նախագահն իր հերթին շնորհակալություն է հայտնել ՀՀ ԱԺ նախագահին այցի համար ու նշել, որ նոր էջ է բացվում երկկողմ հարաբերություններում»,- ասվում է ՀՀ ԱԺ-ի տարածած հաղորդագրությունում։
Զրուցակիցներն անդրադարձել են նաեւ ներդրումային հարցերին եւ ընդգծել, որ չնայած առեւտրի աճող տեմպերին՝ դեռեւս առկա են չիրացված ռեսուրսներ:
Նշվում է, որ քննարկումների առանցքում են եղել կրթական ոլորտում համագործակցություն սկսելու հարցերը եւս` հիմնված պատմական հաջողված փորձի վրա:
