30.04.2026 | 21:13
Cloudflare-ը ռուսական MAX մեսենջերը լրտեսական հավելված է ճանաչել
Տարեք ձեր ննջարանում դրեք՝ պապի հիշատակն ա, կախե՛ք պատից․ քաղաքացին մեղավոր ա՞․ Փաշինյան․ ՏԵՍԱՆՅՈՒԹ
21.11.2024 | 12:18
Կառավարության նիստում վարչապետ Նիկոլ Փաշինյանը մարզերի ճանապարհների սուբվենցիոն ծրագրերը ներկայացնելիս անդրադարձավ հանրապետության տարբեր մարզերում հնամաշ մեքենաների կմախքների խնդրին։
«Մարդը մանկասայլակով մայթով քայլում է, մեկ էլ տեսնում է 1961 թվականի «ԳԱԶ 66»-ի «ռամա» է դրված հենց մայթի վրա, պապու «ռաման» է, բա, միակ հիշողությունն է մնացել պապուց։ Էհ, պապու հիշատակն է, տարեք ձեր ննջարաններո՛ւմ դրեք, կախե՛ք պատից, պետությունը փող է ծախսել, որ քաղաքացին մայթով քայլելու, երեխայի հետ զբոսնելու հնարավորություն ունենա, մենք մեր պապու «ԳԱԶ 66»-ի «ռաման» բերում դնում ենք էդտեղ: Տարեք ձեր բակում դրեք, բակ չունեք, դրեք տանը»,- հայտարարեց Փաշինյանը:
Կառավարության ղեկավարը բարկացած հարց ուղղեց, թե պաշտոնյաներն ինչո՞վ են զբաղված։
«Մարզպետներ, համայնքային ղեկավարներ, ավագանի կա, ինչո՞վ են զբաղված էդ մարդիկ։ Վախում են պապու թոռան ձայնը կորցնե՞լ ընտրություններում: Երբ մենք այդ ավազը մաքրել ենք տալիս, 1 մարդու ձայն կորցնում ենք, 100 մարդու ձայն շահում, որովհետև մարդիկ ասում են, որ այստեղ պետություն, կարգուկանոն կա: Ես ասում եմ, որ համայնքներով պատահական անցնելու եմ, որտեղ տեսա «66», «06», չգիտեմ՝ «31», «պրավիլնի» ֆորմա քար, աղյուս ավազ, բետոն՝ չնեղանա՛ք»,- ասաց նա։
Մանրամասները՝ տեսանյութում։
