11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ուկրաինայում Ադրբեջանի դեսպանատունը զգուշացրել է ադրբեջանցի քաղաքացիներին վտանգի աճող ռիսկերի մասին
Քաղաքականություն
21.11.2024 | 13:37
Ուկրաինայում ադրբեջանական դեսպանատունը նախօրեին հայտարարություն է տարածել՝ զգուշացնելով այդ երկրում բնակվող Ադրբեջանի քաղաքացիներին վտանգի բարձր ռիսկերի մասին։
Դեսպանատան հաղորդագրության մեջ նշվում է, որ հաշվի առնելով Ուկրաինայում անվտանգության իրավիճակը՝ նոյեմբերի 21-22-ը հյուպատոսական ընդունելություն չի անցկացվի։
«Դեսպանատունը ևս մեկ անգամ խնդրում է Ուկրաինայում բնակվող Ադրբեջանի քաղաքացիներին ձեռնարկել անվտանգության համապատասխան միջոցներ և հետևել տեղական իշխանությունների բոլոր առաջարկություններին»,- ասվում է հայտարարության մեջ։
Հավելենք, որ Կիևում ժամանակավորապես դադարեցրել են իրենց աշխատանքը որոշ օտարերկրյա դեսպանատներ, այդ թվում՝ ԱՄՆ-ի, Իտալիայի, Իսպանիայի։
Թարգմանությունը՝ Էմմա Չոբանյանի
