14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Բայդենի վարչակազմը մտադիր է զիջել Ուկրաինայի 4,65 միլիարդ դոլար պարտքի կեսը
Քաղաքականություն
21.11.2024 | 13:03
ԱՄՆ նախագահ Ջո Բայդենի վարչակազմը Կոնգրեսին հայտնել է, որ նախատեսում է զիջել Ուկրաինայի 4,65 միլիարդ դոլարի վարկի կեսը, հայտնում է Bloomberg-ը։
Կոնգրեսին ուղղված Պետքարտուղարության նամակում, որը հայտնվել է գործակալության տրամադրության տակ, ասվում է, որ պարտքի չեղարկումը «բխում է Միացյալ Նահանգների և ԵՄ-ի, G7-ի և ՆԱՏՕ-ի իր գործընկերների ազգային շահերից»:
2024 թվականի ապրիլին հաստատված 60 միլիարդ դոլարի ԱՄՆ օգնության փաթեթի շրջանակներում Ուկրաինային տրամադրվել է 9 միլիարդ դոլարի վարկ:
Վարկի կեսի զիջումը, ինչպես նշում է Bloomberg-ը, կլինի «Կիևին աջակցելու վերջինը մի քայլերից մեկը» մինչև Դոնալդ Թրամփի պաշտոնավարումը:
Այս ծրագիրը, ինչպես գրում է Bloomberg-ը, առարկությունների է հանդիպել հանրապետականների կողմից։ Կենտուկիից սենատոր Ռենդ Փոլն ասել է, որ նախատեսում է Սենատում քվեարկություն անցկացնել «Բայդենի վարչակազմին կանգնեցնելու» համար, քանի որ նրա որոշումը պարտքի բեռը տեղափոխում է ամերիկացիների վրա: Սակայն հաշվի առնելով, որ դեմոկրատները դեռ վերահսկում են Սենատը, այս բանաձևը դժվար թե ընդունվի, նշում է Bloomberg-ը։
Թարգմանությունը՝ Տաթև Ֆռանգյանի
