28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Հայաստանի ֆուտբոլի ընտրանին Երևանում պարտվեց Ֆարերյան կղզիների թիմին
14.11.2024 | 23:16
Հայաստանի ֆուտբոլի ազգային թիմն Ազգերի լիգայի որակավորման փուլի նախավերջին տուրում հյուրընկալեց Ֆարերյան կղզիների ընտրանուն` տարվա վերջին տնային խաղն անցկացնելով Հանրապետական մարզադաշտում:«Արմենպրես»-ի հաղորդմամբ` մեկնարկային րոպեներին Հայաստանի ընտրանին մի քանի վտանգավոր պահեր ուներ, սակայն չիրացրեց այն:
Անկյունայինի խաղարկումից հետո կարող էր աչքի ընկնել Նաիր Տիկնիզյանը: Ֆարերյան կղզիների հավաքականը նույնպես չէր կենտրոնացել միայն պաշտպանության վրա: Նրանք նաև արագ հակագրոհում էին:Հանդիպման 33-րդ րոպեին Հայաստանի ֆուտբոլի ազգային թիմի դարպասին նշանակվեց 11 մետրանոց հարված, որն անվրեպ իրացրեց Դավիդսենը:
Երկրորդ կեսի մեկնարկում Հայաստանի հավաքականը տիրել էր նախաձեռնությանը: Վիճակագրությամբ էլ Հայաստանի ազգային ընտրանին բացահայտ առավելություն ուներ, սակայն այն գոլի վերածել չէր հաջողվում: Ֆարերյան կղզիների թիմը հստակ էր գործում պաշտպանությունում:Հայաստան-Ֆարերյան կղզիներ`0:1:
Ընթացիկ մրցաշրջանում Հայաստանի հավաքականը կրեց երրորդ պարտությունը:Ազգերի լիգայի ընտրական փուլի վերջին տուրում Հայաստանի հավաքականը նոյեմբերի 17-ին արտագնա խաղում կմրցի Լատվիայի հավաքականի հետ: Այս հանդիպումը կմեկնարկի Երևանի ժամանակով 18:00-ին:
