09.09.2026 | 15:51
Զարուհի Բաթոյանն ընտրվեց Առողջապահության հարցերի մշտական հանձնաժողովի փոխնախագահ․ ՏԵՍԱՆՅՈւԹ
Թուրքիան և Մեծ Բրիտանիան ռազմական համագործակցության հարցեր են քննարկել
Քաղաքականություն
14.11.2024 | 20:09
Թուրքիայի պաշտպանության նախարար Յաշար Գյուլերը հանդիպել է Մեծ Բրիտանիայի պաշտպանության նախարար Ջոն Հիլիի հետ։ Պաշտոնական այցով Անկարա ժամանած Հիլիին Գյուլերը ՊՆ-ում դիմավորել է պաշտոնական արարողությամբ, որից հետո նախարարները մամուլի համար փակ բանակցություններ են վարել։
Հաղորդվում է, որ հանդիպման ընթացքում քննարկվել է նաև Eurofighter կործանիչների հարցը, որոնք նախատեսում է գնել Թուրքիան։
Նշվում է, որ Հիլին այցի շրջանակում այցելել է Թուրքիայի օդատիեզերական արդյունաբերության գործարանի (TAI) Քահրամանկազանի օբյեկտներ։ Նա ուսումնասիրել է HÜRJET-ի երկրորդ նախատիպը, որն իր առաջին թռիչքն իրականացրել է վերջերս։
«Մենք հնարավորություն ունեցանք նախարարին ցույց տալ մեր ազգային մարտական ինքնաթիռները՝ KAAN, մեր ռեակտիվ ուսումնական ինքնաթիռները՝ HÜRJET, AKSUNGUR, ANKA և ANKA-III», – ասել է Թուրքիայի ռազմարդյունաբերության կոմիտեի նախագահ Հալուք Գյորգյունը։
Թարգմանությունը՝ Էմմա Չոբանյանի
