15.12.2025 | 10:52
Կա հանրային պահանջ՝ տրանսպորտում վերահսկողությունը խստացնելու, 24 հաստիք կավելանա․ Ավինյան. ՏԵՍԱՆՅՈՒԹ
Բորելը ԵՄ-ին առաջարկել է դադարեցնել քաղաքական երկխոսությունը Իսրայելի հետ․ Reuters
Քաղաքականություն
14.11.2024 | 18:09
ԵՄ դիվանագիտության ղեկավար Ժոզեպ Բորելը կազմակերպության անդամ երկրների արտաքին գործերի նախարարներին ուղղված նամակում կոչ է արել դադարեցնել քաղաքական երկխոսությունը Իսրայելի հետ՝ վկայակոչելով Գազայի հատվածում իսրայելական բանակի կողմից մարդու իրավունքների հնարավոր խախտումները, գրում է Reuters-ը։
Այս հարցը կքննարկվի նոյեմբերի 18-19-ին կայանալիք նախարարական հանդիպմանը, սակայն որոշ երկրներ արդեն դեմ են արտահայտվել, հայտնել են գործակալության աղբյուրները։
Իսրայելի ու Եվրամիության միջև քաղաքական երկխոսությունը կարգավորվում է Ասոցացման համաձայնագրով, որն ուժի մեջ է մտել 2000 թվականին։ Փաստաթղթում նշվում է, որ երկրների հարաբերությունները հիմնված են «մարդու իրավունքների հարգման և ժողովրդավարական սկզբունքների վրա, որոնք որոշում են նրանց ներքին և միջազգային քաղաքականությունը»։ Ժոզեպ Բորելն առաջարկում է որպես քաղաքական երկխոսությունը դադարեցնելու պատճառ օգտագործել մարդու իրավունքների հարգման մասին դրույթները, դա բխում է նրա նամակից։
Ըստ Reuters-ի՝ Բորելը «մտահոգություն է հայտնել Գազայի հատվածում մարդասիրական իրավունքի խախտումների վերաբերյալ»՝ ընդգծելով, որ այդ մտահոգությունները «բավարար չափով հաշվի չեն առնվել Իսրայելի կողմից»։ Մինչդեռ քաղաքական երկխոսության դադարեցման համար անհրաժեշտ է ԵՄ բոլոր 27 երկրների հավանությունը, ինչը եվրոպացի դիվանագետները քիչ հավանական են համարում։
Նշենք, որ Բորելի համար նոյեմբերի 18-ին կայանալիք հանդիպումը նրա վերջին գագաթնաժողովն է որպես ԵՄ արտաքին գործերի գերագույն հանձնակատար: Նա այս պաշտոնը կլքի դեկտեմբերի 1-ին։
Թարգմանությունը՝ Տաթև Ֆռանգյանի
