10.08.2026 | 23:23
ԹԻՀԿ-ն ուսումնասիրել է Երևանի 70 բարեկարգված բակերի ու խաղահրապարակների որակն ու անվտանգությունը
Ադրբեջանի ԱԳՆ-ն արձագանքել է Գրետա Թունբերգի՝ COP29-ի դեմ կազմակերպած ակցիային
Քաղաքականություն
14.11.2024 | 16:41
Ադրբեջանի ԱԳՆ-ն ափսոսանք է հայտնել շվեդ բնապահպան ակտիվիստ Գրետա Թունբերգի կողմից կազմակերպված բողոքի ցույցի կապակցությամբ։ Նոյեմբերի 11-ին Թունբերգը բողոքի ակցիա էր կազմակերպել Թբիլիսիում, որտեղ տասնյակ ցուցարարներ քննադատել էին Ադրբեջանին COP29-ը հյուրընկալելու համար։
BBC-ի ադրբեջանական ծառայության հետ զրույցում Ադրբեջանի ԱԳՆ խոսնակ Այխան Հաջիզադեն ասել է, թե երկրում մարդու իրավունքները լիովին պաշտպանված են։
«Ընդհանուր առմամբ, անընդունելի է ադրբեջանա-հայկական անցյալ հակամարտության վերաբերյալ որևէ պնդում անել՝ առանց այդ հարցերի մասին տեղյակ լինելու»,- հայտարարել է Հաջիզադեն։
Ի դեպ, այս տարեսկզբին Ադրբեջանը հայտարարությամբ էր հանդես եկել՝ իր մտահոգությունը հայտնելով Նիդերլանդներում Թունբերգի ձերբակալման կապակցությամբ։
«Այդ հայտարարությունն արվել է՝ հաշվի առնելով, որ նա ակտիվ է կլիմայի փոփոխության դեմ պայքարում»,- հավելել է Ադրբեջանի ԱԳՆ խոսնակը։
Հիշեցնենք, որ Թունբերգը քննադատել է Բաքվում COP-ի անցկացումը, իսկ Ադրբեջանը բնութագրել որպես «ռեպրեսիվ, օկուպացիոն պետություն, որն էթնիկ զտումներ է իրականացրել և շարունակում է ճնշել Ադրբեջանի քաղաքացիական հասարակությանը»։ Նա Ադրբեջանին մեղադրել է գագաթնաժողովը որպես «իր հանցագործությունները և մարդու իրավունքների ոտնահարումը կանխելու հնարավորություն» օգտագործելու համար։
Թարգմանությունը՝ Էմմա Չոբանյանի
