09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Թրամփն ու Բայդենը խոսել են Ուկրաինայի և Մերձավոր Արևելքի մասին․ NYPost
Քաղաքականություն
14.11.2024 | 12:04
ԱՄՆ նորընտիր նախագահ Դոնալդ Թրամփը հայտարարել է, որ գործող նախագահ Ջո Բայդենի հետ Սպիտակ տան Օվալաձև աշխատասենյակում հանդիպման ժամանակ քննարկել են Ուկրաինայի պատերազմը և իրավիճակը Մերձավոր Արևելքում։
«Ես ուզում էի իմանալ նրա կարծիքը, և նա այն արտահայտեց։ Բացի այդ, մենք շատ ենք խոսել Մերձավոր Արևելքի մասին։ Ես ուզում էի իմանալ նրա կարծիքը, թե որտեղ ենք մենք, և ինչ է նա մտածում։ Նա կիսվեց իր կարծիքով»,- ասել է Թրամփը New York Post-ի հետ զրույցում Վաշինգտոնից մեկնելուց առաջ:
Թրամփի խոսքով՝ ինքն ու Բայդենն ուրախ էին տեսնել միմյանց և նախատեսում են կրկին հանդիպել մինչև երդմնակալությունը։
Հանդիպման նախօրեին ԱՄՆ ազգային անվտանգության հարցերով խորհրդական Ջեյք Սալիվանն ասել էր, որ Բայդենը կոչ կանի շարունակել աջակցությունն Ուկրաինային և չհրաժարվել Կիևից, քանի որ դա կարող է հանգեցնել Եվրոպայում է՛լ ավելի մեծ անկայունության։
Թարգմանությունը՝ Տաթև Ֆռանգյանի
