20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Ռուսական 30 ավիաընկերություններ սնանկության եզրին են
Քաղաքականություն
13.11.2024 | 15:55
Երեք տասնյակ փոքր և միջին ռուսական ավիաընկերություններ, որոնք ապահովում են երկրի ներսում ուղևորափոխադրումների ավելի քան մեկ քառորդը (26%), կարող են սնանկանալ 2025 թվականին, «Իզվեստիա»-ին հայտնել են շուկայի մասնակիցները։
Ֆինանսական վիճակի կտրուկ վատթարացումը և օպերատորի վկայականների չեղարկումն ավիափոխադրողներին սպառնում է օտարերկրյա օդանավերի վարձակալության դիմաց կուտակված պարտքերի պատճառով: 2022 թվականին պատժամիջոցների ներդրումից հետո նրանցից շատերը դադարեցրել են լիզինգային վճարումները։
2025 թվականին կառավարությունը թույլատրել է դուրս գրել նրանց պարտքերը, սակայն այդ գումարները ենթակա են եկամտահարկի գանձման՝ 25 տոկոսի չափով։ Այս ֆինանսական ծանրաբեռնվածությունը կարող է ստիպել ընկերություններին փակվել:
NordStar Airlines-ի գործադիր տնօրեն Լեոնիդ Մոխովն ավելի վաղ ուշադրություն էր հրավիրել այս խնդրի վրա․ օդային տրանսպորտի օպերատորների ասոցիացիային ուղղված նամակում նա նշել է, որ չնայած ռուսական ռեգիստրում օդանավերի ներառմանը՝ օտարերկրյա սեփականատերերի հետ վարձակալության պայմանագրերը դեռևս ուժի մեջ են:
Միևնույն ժամանակ, ըստ Մոխովի, միայն խոշոր ավիաընկերությունները՝ Aeroflot-ը, Ural Airlines-ը և S7 Airlines-ն են կարողացել վարձակալած ինքնաթիռները գնել Ազգային բարեկեցության հիմնադրամի (NWF) հաշվին: 2024 թվականի առաջին եռամսյակում օտարերկրյա վարձակալության պայմաններում գնված ինքնաթիռների թիվը հասել է 165-ի՝ 400-ից, հաշվարկել է ՌԲԿ-ն։
Թարգմանությունը՝ Տաթև Ֆռանգյանի
