19.12.2025 | 17:34
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
Վրաստանի ընդդիմադիր կուսակցությունները հրաժարվում են մանդատներից
Քաղաքականություն
12.11.2024 | 19:58
«Մենք հրաժարվում ենք մանդատներ ստանալ խորհրդարանական ընտրությունների արդյունքներով, որոնց ընթացքում տեղի են ունեցել տոտալ կեղծիքներ»,- այսօր կայացած ճեպազրույցում ասել է Վրաստանի «Միասնություն-Ազգային շարժում» կուսակցության առաջնորդ Թինա Բոկուչավան, փոխանցում է Գրուզիա օնլայնը։
Նրա խոսքով՝ Կենտրոնական ընտրական հանձնաժողովն իրավունք չունի «Միասնություն-Ազգային շարժման» անդամների փաստաթղթերն ուղարկել խորհրդարան՝ ճանաչելու նրանց լիազորությունները։ Ընտրությունների արդյունքներով այս կուսակցությանը բաժին էր հասնում 16 մանդատ։
«Դեռևս ընտրությունների օրը պարզ էր, որ այս ընտրությունները չեն արտացոլում Վրաստանի քաղաքացիների ազատ կամարտահայտությունը։ «Միասնություն-Ազգային շարժում» կուսակցության անունից հայտարարել ենք, որ չենք ճանաչում այս ընտրությունների լեգիտիմությունը և հրաժարվում ենք պատգամավորական մանդատներից»,- նշել է Բոկուչավան։
«Այս [ընտրական] ցուցակում բոլորս հրաժարվում ենք որևէ կերպ համագործակցել ընտրությունները կեղծող և մեր հայրենիքում Ռուսաստանի Դաշնության շահերն արտահայտող ռեժիմի հետ», – ասել է «Հանուն փոփոխությունների» կոալիցիայի առաջնորդներից Նիկա Գվարամիան։
Նրա խոսքով՝ խորհրդարանը ոչ լեգիտիմ է, հետևաբար դրան մասնակցելը համարվում է հանցակցություն ոչ լեգիտիմ գործողություններին։
Հիշեցնենք, որ ընտրությունների արդյունքներով «Հանուն փոփոխությունների կոալիցիա»-ին բաժին էր հասնելու 19 մանդատ։
Թարգմանությունը՝ Տաթև Ֆռանգյանի
