09.08.2026 | 12:38
Հովիկ Աբրահամյանի որդին կալանավորվել է
ՀՀ ԿԸՀ պատվիրակությունը դիտարկել է ԱՄՆ նախագահական ընտրությունները
Քաղաքականություն
12.11.2024 | 17:22
ՀՀ Կենտրոնական ընտրական հանձնաժողովը դիտարկել է նոյեմբերի 5-ին ԱՄՆ-ում անցկացված նախագահական ընտրությունները։ ԿԸՀ տարածած հաղորդագրության համաձայն՝ հայկական պատվիրակության կազմում են եղել Հանձնաժողովի նախագահ Վահագն Հովակիմյանը, քարտուղար Արմեն Սմբատյանը, անդամներ Ժիրայր Կարապետյանն ու Արուսյակ Տերչանյանը։
Այցի շրջանակում ԿԸՀ նախագահը տարբեր հանդիպումներ է ունեցել Լոս Անջելեսի շրջանի հիմնական ընտրական պաշտոնյաների հետ, ծանոթացել Լոս Անջելեսի ընտրական համակարգին, այցելել է քվեարկության արդյունքների ամփոփման կենտրոններ։
ԿԸՀ ներկայացուցիչներին հրավիրել է նաև Ընտրական համակարգերի միջազգային կազմակերպությունը (IFES): ՀՀ ԿԸՀ անդամները IFES-ի հայաստանյան գրասենյակի ներկայացուցիչների հետ նոյեմբերի 3-ից 6-ը ԱՄՆ մայրաքաղաք Վաշինգտոնում մասնակցել են ԱՄՆ ընտրությունների ծրագրին (USEP): Այն համախմբում է ողջ աշխարհից ժամանած 60 երկրների ընտրական մարմինների պաշտոնյաներին, ինչպես նաև քաղհասարակության ներկայացուցիչներին՝ ուսումնասիրելու ԱՄՆ ընտրական համակարգը։
