23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Ալիևը Բելգիայի վարչապետին դժգոհել է ՀՀ Սահմանադրությունից
Քաղաքականություն
11.11.2024 | 19:57
Ադրբեջանի նախագահ Իլհամ Ալիևը Բաքվում COP 29 շրջանակում Բելգիայի վարչապետ Ալեքսանդր Դե Կրոուի հետ հանդիպմանն անդրադարձել է հայ-ադրբեջանական կարգավորման գործընթացին։ Նա նշել է, որ վերջին մեկ տարվա ակտիվ բանակցությունների արդյունքում լուրջ առաջընթաց է գրանցվել, այդ թվում՝ սահմանների սահմանազատման հարցում։
Նա հերթական անգամ կրկնել է ՀՀ Սահմանադրության հետ կապված Բաքվի պահանջը։
«Իլհամ Ալիևը նշել է, որ Հայաստանի Սահմանադրության մեջ առկա տարածքային պահանջներն Ադրբեջանի նկատմամբ շարունակում են խոչընդոտ հանդիսանալ խաղաղության պայմանագրի ստորագրման համար, և Սահմանադրությունը պետք է փոխվի»,- ասվում է ադրբեջանական կողմի տարածած հաղորդագրության մեջ։
Բելգիայի վարչապետն իր հերթին շնորհավորել է COP29-ի հյուրընկալման կապակցությամբ՝ նշելով, որ այս միջոցառումը շատ կարևոր է կլիմայի փոփոխության հետ կապված հարցերի քննարկման համար։
Թարգմանությունը՝ Էմմա Չոբանյանի
