30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
Ճապոնիայի խորհրդարանը վարչապետի պաշտոնում ընտրել է Սիգերու Իշիբային
Քաղաքականություն
11.11.2024 | 16:42
Ճապոնիայի խորհրդարանի ստորին պալատը վարչապետի պաշտոնում վերընտրել է իշխող Լիբերալ-դեմոկրատական կուսակցության առաջնորդ Սիգերու Իշիբային, հայտնում է Kyodo News-ը։
Քվեարկության առաջին փուլում թեկնածուներից ոչ մեկը 465 մանդատ ունեցող պալատում չի ստացել հաղթելու համար անհրաժեշտ 233 ձայնը։ Արդյունքում քվեարկությունը տեղի է ունեցել երկու հիմնական հավակնորդների՝ Իշիբայի և Ճապոնիայի գլխավոր ընդդիմադիր Դեմոկրատական կուսակցության առաջնորդ Յոսիհիկո Նոդայի միջև։ Իշիբան ստացել է 221 ձայն, Նոդան՝ 160, այդպիսով՝ Իշիբան պահպանել է վարչապետի պաշտոնը։
Այսօր ավելի ուշ Իշիբան պետք է ձևավորի նոր կաբինետ, սակայն նվազագույն փոփոխություններ են սպասվում։
Այնուամենայնիվ, Իշիբան այժմ կարող է ղեկավարել փոքրամասնության կառավարությունը, ինչը նշանակում է, որ կոալիցիան պետք է ավելի ուշադիր լսի ընդդիմության պահանջները: Ընդդիմադիր կուսակցությունները կարող են մեծացնել ճնշումը՝ քաղաքական բարեփոխումների հասնելու համար։
Թարգմանությունը՝ Տաթև Ֆռանգյանի
