23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Այդ հաղթանակը ոգեշնչման աղբյուր է դարձել ամբողջ թյուրքական աշխարհի համար․ Էրդողանը՝ Ալիևին
Քաղաքականություն
08.11.2024 | 15:55
Թուրքիայի նախագահ Ռեջեփ Թայիփ Էրդողանը, այսպես կոչված, «Հաղթանակի օրվա» կապակցությամբ շնորհավորական նամակ է հղել Ադրբեջանի նախագահ Իլհամ Ալիևին։
«Այդ հաղթանակը հպարտության և ոգեշնչման աղբյուր դարձավ ինչպես Ադրբեջանի, այնպես էլ ամբողջ թյուրքական աշխարհի համար։ Ուրախացանք նաև նրանով, որ այս տարի այս հնագույն հողերում, որոնց նկատմամբ դուք լիարժեք վերահսկողություն ապահովեցիք անցյալ տարի Ղարաբաղում իրականացված հակաահաբեկչական գործողության շնորհիվ, 30 տարվա մեջ առաջին անգամ անցկացվեցին խորհրդարանական ընտրություններ»,- ասվում է Էրդողանի նամակում։
Թուրքիայի նախագահը նաև պատրաստակամություն է հայտնել հնարավոր ցանկացած աջակցություն ցուցաբերել Արցախի շրջանների «վերականգնման և վերակառուցման աշխատանքներին։
«Ես անկեղծորեն հավատում եմ, որ մենք կշարունակենք սերտ համագործակցությունը, համերաշխությունը և համակարգումը երկկողմ մակարդակով և միջազգային հարթակներում՝ մեր տարածաշրջանում կայուն խաղաղություն, բարգավաճում և կայունություն ապահովելու համար»,- ասել է Էրդողանը։
Թարգմանությունը՝ Էմմա Չոբանյանի
