30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
Կրեմլում սկսել են վախենալ, որ Բայդենը հեռանալուց առաջ թույլ կտա Ուկրաինային հեռահար հարվածներ հասցնել ՌԴ-ին
Քաղաքականություն
07.11.2024 | 22:14
Ռուսաստանի իշխանությունները մտավախություն ունեն, որ նախքան իշխանությունը Դոնալդ Թրամփին փոխանցելը՝ ԱՄՆ նախագահ Ջո Բայդենը և նրա վարչակազմը կարող են կտրուկ քայլեր ձեռնարկել Ռուսաստանի դեմ, հայտնել է The Moscow Times-ի դիվանագիտական աղբյուրը։
Ըստ նրա՝ նման քայլը կարող է, օրինակ, «կանաչ լույս» լինել Կիևի համար՝ ամերիկյան հեռահար զինատեսակներով ռուսական տարածքի խորքերին հարվածելու համար։
2016 թվականին՝ Թրամփի պաշտոնավարման առաջին ժամկետի նախաշեմին, պաշտոնից հեռացող Բարաք Օբամայի վարչակազմը վտարեց 36 ռուս դիվանագետների Միացյալ Նահանգներից, ինչպես նաև խլեց դիվանագիտական ամառանոցները Նյու Յորքում և Մերիլենդում, ինչը մեծապես վիրավորել էր Մոսկվային:
«Քանի որ դեմոկրատները կորցնելու ոչինչ չունեն, նրանք կարող են որոշումներ կայացնել, որոնք հետագայում կդժվարացնեն երկխոսությունը: Օրինակ՝ նրանք թույլ կտան ամերիկյան զենք օգտագործել ռուսական տարածքի խորքերին հարվածելու համար»,- ասել է դիվանագիտական աղբյուրը։
Թարգմանությունը՝ Տաթև Ֆռանգյանի
