08.10.2026 | 11:42
Օտարերկրյա ռազմական կցորդներն այցելել են ՀՀ ՊՆ ռազմական ոստիկանություն
Կալիֆորնիայում տարհանում է սկսվել 5,6 հազար հա տարածքում բռնկված հրդեհի պատճառով
Քաղաքականություն
07.11.2024 | 21:14
ԱՄՆ Վենտուրա շրջանի լեռներում (Հարավային Կալիֆորնիա) անտառային հրդեհ է բռնկվել։ Այն տարածվել է 5,6 հազար հեկտար տարածքի վրա։ Ըստ շրջանի հրշեջ ծառայության կապիտան Թրևըր Ջոնսոնի՝ հրդեհը սկսվել է Մունփարկ և Սոմիս քաղաքների միջև, որոնց բնակիչներին ստիպված են եղել արագ տարհանել։
Ջոնսոնի խոսքով՝ կրակն այնքան արագ է տարածվել, որ երկու քաղաքների բնակիչներին ստիպված են եղել միանգամից տարհանել հրշեջ մեքենաներով՝ ժամանակ չկորցնելու համար։ Հրդեհի տարածմանը նպաստել են ուժեղ քամին ու երաշտը, հաղորդում է NBC News-ը։
CNN-ի փոխանցմամբ՝ Ազգային օդերևութաբանական ծառայությունը նախազգուշացման «կարմիր դրոշի» մակարդակ է տարածել։ Նախազգուշացման այդ տարբերակը հայտարարվում է «ծայրահեղ և կյանքին վտանգ սպառնացող հրդեհային վարքագծի դեպքում»։ Այն ընդգրկում է հարավային Կալիֆորնիան և Մեծ Սան Ֆրանցիսկոյի ծոցի տարածքը՝ առնչվելով շուրջ 25 միլիոն մարդու:
Կալիֆորնիայի նահանգապետ Գևին Նյուսոմը հայտնել է, որ հրդեհից տուժել է մոտ 3500 տուն։ Ավելի քան 14,000 մարդ տարհանման հրաման է ստացել, հայտնել են Վենտուրա շրջանի շերիֆի գրասենյակից:
Հրդեհի մեկուսացմանը ներգրավված է առնվազն 800 հրշեջ և 58 ծառայողական մեքենա։
Թարգմանությունը՝ Տաթև Ֆռանգյանի
