05.04.2026 | 19:49
Հույս ունեմ, որ այս գիշեր «Բուշեր» օդանավակայանից տարհանված աշխատակիցները կհասնեն Հայաստան․ «Ռոսատոմ»-ի ղեկավար
ԱՊՀ երկրները ռազմական համագործակցության հայեցակարգ կմշակեն
Քաղաքականություն
07.11.2024 | 17:28
ԱՊՀ երկրները սկսել են ռազմական համագործակցության հայեցակարգի նախագծի մշակումը, որը կտևի մինչև 2030 թվականը, հայտարարել է ԱՊՀ գլխավոր քարտուղար Սերգեյ Լեբեդեւը։
Նրա խոսքով՝ փաստաթուղթը կարևոր նշանակություն ունի ստեղծված աշխարհաքաղաքական իրավիճակում։
Լեբեդևը հայտնել է, որ փաստաթղթում նշված կլինեն «հստակ առաջնահերթություններ և միջնաժամկետ հեռանկարում փոխգործակցության նոր ուղեցույցներ»։
«Մենք ելնում ենք այն հանգամանքից, որ մեր երկրների զինված ուժերի մարտական և մարտավարական-տեխնիկական պատրաստությունը պետք է իրականացվի առկա պրակտիկ փորձի ու գիտական նվաճումների փոխադարձ հարստացման հիման վրա»,- հավելել է Լեբեդևը, գրում է Կոմերսանտը։
Այսօր՝ նոյեմբերի 7-ին, Մոսկվայում բացվել է ԱՊՀ երկրների Անվտանգության խորհուրդների քարտուղարների 12-րդ նիստը։ ՌԴ Անվտանգության խորհրդի ղեկավար Սերգեյ Շոյգուն, անդրադառնալով Ուկրաինայի ռազմական հակամարտությանը, կարծիք է հայտնել, որ Արևմուտքն այժմ ընտրության առաջ է կանգնած՝ շարունակե՞լ ֆինանսավորել Ուկրաինային, թե՞ բանակցություններ սկսել։
Թարգմանությունը՝ Տաթև Ֆռանգյանի
